АДАБИЁТШУНОС АЗИЗ ҚАЮМОВ ТАДҚИҚОТЛАРИДА - В - Bog

Биографик метод - адабиётшуносликдаги алоҳида илмий тадқиқот, бадиий асарга ижодкор шахси орқали назарий-амалий жиҳатдан ёндашув усулларидан бири.Адабиётшунослик илмида биографик, тарихий - қиёсий, қиёсий - типологик, тарихий - маданий, социологик, структурал - анализ, семиотик, лингвистик, психологик, психоаналитик, формал, герменевтик каби ва бошқа бир қатор методлар воситасида тадқиқот объекти ва предметига ёндашилади. Шу тадқиқ усуллари орасида биографик методнинг ўз ўрни бор бўлиб, адабиётшунослар томонидан бирмунча кўпроқ қўлланиши жиҳатидан алоҳида эътиборни тортади.