E Maravianan di Señor - Miralda Paula - Frans - Bog

Ken por a imaginá ku e historia di Iglesianan Aliansa Evangélika na Aruba, Curacao i Bonaire, ta kuminsá te na Europa, na Suisa i Dinamarka? Einan Dios a move personanan pa hiba evangelio te na último parti di mundu. E personanan akí a sali di Europa, yega Merka, kombertí na Kristu i despues bira mishonero. Nan a lanta un mishon ku tabata manda mishoneronan rònt mundu. Nan a krusa laman brutu i a yega Venezuela tambe, pa despues yega na e tres islanan den Karibe; Aruba, Bonaire i Curaçao. Esei tabata den e plan soberano di Dios! E mishoneronan a yega akí pa kumpli ku e mandato, kompartí e bon nobo di salbashon den Kristu i funda iglesia.
Ku hopi kontratiempu, poko poko pero sigur e obra di Dios a kuminsá duna fruta riba e islanan. Almanan tabata kombertí, iglesianan a lanta i kuminsá krese. Awe nos por mira ku goso kon hopi hòmber i muhé lokal ta sirbiendo Dios den e iglesianan.
E buki di historia akí a bira realidat dor di inspirashon di sr. Eusebio Petrona kende huntu ku sr. Boanerges Barriento a kompilá diferente informashon. Huntu ku diferente representante di Iglesianan Aliansa Evangélika di Aruba, Boneiru i Kòrsou kendenan a kompilá historia di nan Iglesia pa asina yega na e buki impaktante akí.
Bo sirbishi na Dios ta bira revelante i interesante ora bo sa bo historia. Nos ta animá i enkurashá nos hòbennan pa nan traha den e obra di Señor, kompilá informashon pa asina nan por skirbi volumen II di e buki akí.