Kongumbamela Kati Na Molimo mpe na Solo(Lingala Edition) - Jaerock Lee - Bog

Nzambe Asengaki ete Sanduku na Mibeko (Sanduku na Kondimana) etongama na nzete na Kasia, ezipami na wolo, mpe etiami kati na bisika mileki Bulee. Esika eleki Bulee ezali esika wapi Nzambe Akitaka mpe wapi nganga Nzambe mokonzi apeselami kokota. Na lolenge moko, moto oyo azui misisa makasi kati na Liloba na Nzambe akosalelama kaka te lokola esaleli na motuya liboso na Nzambe kasi akosepela mpe ebele na mapamboli kati na bomoi na ye. Yango kaka lolenge Yelemia 17:8 elobi na biso ete "Pamba te akozala lokola nzete oyo ekonami pembeni na mai oyo ekosembola misisa na yango pembeni na ebale; akobanga te wana ekoya moi makasi kasi nkasa na ye ikozala mibesu; akobanga na elanga na kokauka te, akotika kobimisa mbuma mbuma mpe te." Awa, "mai" na molimo, etalisi Liloba na Nzambe, mpe moto oyo azwi mapamboli na lolenge wana akobatela motuya mpenza mayangani esika wapi Liloba na Nzambe esakolami.