Mangla kala Khamashung eina Khokharum(Tangkhul Edition) - Jaerock Lee - Bog

Khokharum kaji hi Vareli khaya kashi kachitheina. Hithada Vareshi bingna khorumda khalei hi Vareli khaya kashi kasana. Old Testamentwui eina haophokta aja rashungda Varena ithumli mangla eina khamashung alungli khorum ngasakngai chinga. Old Testamentwui Pangmonshi lairikli khokharumwui maramli mathalak eina kapi kahaina. Mi kaikhana Pangmonshi lairik hi kachikatwui maram ngasa haida aruihon atamli makana mana da hanga. Hi mamashung mana kaja aruihon ithumwui atamli theida khalei khokharumwui maram hi lairik chiwui eina kakhuina. Old Testament kala New Testamentwui atam lila khokharum kaji hi Vareli samphang khavai shongfana. Old Testament atamli achuk kapei ot kachikat chi New Testament atamli mangla kala khamashung apongli khokharumwui kakhalat ngasai.