Eldsins loyndarmál - Henning Mankell - Lydbog

Fyrsta av trimum bókum, sum fara fram í landinum Mosambik.
Hon er um gentuna Sofíu, sum av óvart traðkar á eina av mongu minunum, sum liggja grivnar ymsa staðni í jørðini í borgarakrígsherjaða landinum.
Hon missir bæði beinini, men tað ringasta av øllum er at missa systrina Mariu, sum doyr beint eftir vanlukkuna.
Sofía noyðist at stríðast fyri at koma á føtur og liva eitt virðiligt lív. Hennara ókúgandi lyndi ger, at vánirnar fyri at fáa eitt eydnusamt lív eru størri enn hjá so mongum øðrum, sum eru í somu støðu sum hon.
Bókin hevur fingið sera góð ummæli, orð sum lýsandi, ógloymandi og sterk hava verið brúkt um hesa frásøguna úr einum landi, har armóð og ófriður hava verið og enn eru partar av gerandisdegnum.