ANG GAHUM SA DIOS(Cebuano Edition) - Jaerock Lee - Bog

Kay personal kanakong nasinatian ang kasadya ug kalipay sa kagawasan gikan sa pito ka tuig nga mga sakit ug pag-antus, aron mahimong usa ka alagad sa gahum nga sama sa Ginoo, nagpuasa ug nag-ampo ako sa pila ka mga adlaw ug mga panahon human ako gitawag nga mahimong usa ka alagad sa Ginoo. Nagsulti kanato si Hesus sa Marcos 9:23, "'Kon arang mahimo! Ang tanang butang mahimo ngadto sa magatoo'". Ako nagtoo usab ug nag-ampo tungod kay mikupot ko og hugot sa saad ni Hesus, "[Bisan kinsa] nga mosalig Kanako, magahimo usab sa mga buhat nga akong ginabuhat; ug labi pa gani ka dagkung mga buhat kay niini ang iyang pagabuhaton; kay moadto man ako sa Amahan" (Juan 14:12). Ingon sa usa ka resulta, pinaagi sa tinuig nga Pagkapukaw nga mga Panagtagbo, ang Dios nagpakita kanamo sa kahibulongan nga mga ilhanan ug mga katingalahan ug naghatag kanamo sa dili maihap nga mga pagpang-ayo ug mga tubag. Dugang pa, sa panahon sa ikaduhang semana sa 2003 nga Pagkapukaw nga Panagtagbo, ang Dios mitutok sa pagpakita sa Iyang gahum sa kadtong mga buta, dili makalakaw, makadungog, ug makasulti.