Kalviðir: Einmana sálir - Davíð Þorvaldsson - Lydbog

Sagan fjallar um systurnar Helgu og Maríu sem búa einar við bág kjör og vonda heilsu í íslensku sjávarþorpi. Þær systur eru mjög ólíkar, Helga er fögur og gáfuð á meðan Maríu er lýst sem hlédrægri og tilfinninganæmri. Helga á son, Andrés, sem er búsettur erlendis og hefur ekki komið heim í mörg ár. Þegar María lætur lífið, er Helga ein eftir og hugsar mikið til Andrésar sem verður frelsari hennar þar sem hún hugsar til hans sem baráttumanns hins góða í heiminum. Þegar Andrés snýr loksins heim taka við honum óvæntar breytingar.
Ekki þekkja margir nafn Davíðs Þorvaldssonar þrátt fyrir hæfileika hans og sköpunargáfu sem rithöfundur. Hann lifði stutta ævi vegna veikinda, en gaf út tvö smásagnasöfn, Kalviði og Björn formaður, en það síðarnefndna þýddi hann sjálfur á ensku til útgáfu ásamt því að sögur hans voru birtar í virtu frönsku riti. Verk hans endurspegla gildi Davíðs, sem vildi leggja alþýðunni lið með lýsingum og stíl sagnanna, sem jafnan bera þann boðskap að sá sem þurft hefur að hafa fyrir lífinu er vitrari en sá sem ekkert hefur reynt.