Inoorusunneq - Conni Gregersen - Bog

NB! Grønlandsk udgave af Livsmod Ulloq unnuarlu angerlarsimaffinnut meeqqanik inissinneqarsimasunik ukiorpassuarni Kalaallit Nunaanni katsorsaanermik suliaqarnermini psykologip Connie Gregersenip paasisimavaa meeqqat kalaaliaqqat inuunerminni sakkortuunik nalaataqarsimagaluarlutik inuttut pissuserisamikkut tamanna itinerusumik amerlasuutigut ajoqutigisanngikkaat. Taanna ”allaassuseq” ukiut ingerlaneranni soqutigisimavaa isumassarsiffigisarsimallugulu, sulinerminilu aamma meeqqanut angerlarsimaffinni sulisunik atuartitsillunilu supervisionimik ingerlatsisarsimagami, tulluartuuvoq misilittakkani, teoriit iliuusissallu erseqqissut atuagaq Inoorusunneq aqqutigalugu saqqummiutissallugit. Tassarpiaavorlu teoriit iliuusissallu kattunneqarnerannik ersersitsineq qangali ilinniutitut maqaasisaasimasoq assigiinngitsorpassuartigut isumassuinermik sumiginnakkanik katsorsaanermik suliaqartunut atugassatut. Taanna atuagaq kikkuugaluartunut tamanut ulluinnarni meeqqanik peroriartornerminni atugarliuuteqarsimasunik attaveqartartunut pisariaqartuuvoq.